टिकली....

माझी टिकली नेहमी मोहरीच्या आकाराची असते...परवा गौरीच्या हळदीकुंकू समारंभाला एका स्नेहीकाकूंनी बोलवलं. मी अगदी नेहमीसारखीच गेले... तिथे आलेल्या दुसऱ्या एक काकू म्हणाल्या...अगं, टिकली फारच लहान आहे गं तुझी...दिसतच नाही... मी रोज एवढीच लावते असं आपलं मी सांगितलं...तर त्यांचं उत्तर होतं की नेहमीचं वेगळं. आज हळदीकुंकवाला येताना ‘मोठ्ठी’ लावून यायचंस ना...मला अजून हे कोडं उलगडलेलं नाहीय की टिकलीचा आकार केवढा आहे यावर नेमकं काय अवलंबून आहे...? बर एरव्ही छोटी टिकली चालेल पण पारंपरिक कार्यक्रमात ती मोठ्ठी लावल्यामुळे काय फरक पडणार आहे...? टिकलीचा आकार हा मुद्दा इतका महत्त्वाचा आहे का?...