-
आजकाल त्याची कारणं ऐकायला नको वाटते
भेटतो भेटतो म्हणतो पण त्याच्या सबबींचीच माळ लागते

कधी कधी वाटतं, त्याच्यापेक्षा या पावसावरच प्रेम करावंं
नखशिखान्त भिजवून टाकणाऱ्या त्या पावसासाठीच जगावं

त्याला भेटायला जाताना खरंतर या पावसानच खूपदा नडवलंय
पण त्याला भेटून निघताना या पावसानेच तर माझं पाऊल अडवलंय

तो किती माझ्यात आहे हे पावसाइतकं कोण जाणेल?
माझ्यापासून दुरावलेल्या त्याला...हा पाऊस पुन्हा माझ्यापाशी आणेल?

Comments

Post a Comment

Popular posts from this blog

सिंक...मी आणि मावशी

-
परवा घरातलं सिंक खराब झालं...आमच्याकडे कामात मदत करायला येणाऱ्या मावशी आणि मी दोघीच घरी होतो. सकाळचे साडेआठ वाजलेले. सिंकमधल्या पाण्याने जणू संप केल्यासारखे धरणे धरले होते. स्वयंपाकघरातली ही जागा म्हणजे सतत पाण्याखाली असलेली. प्लंबरला फोन लावला. पंधरा मिनिटात तो आला आणि म्हटला सिंकच्या पाइप बदलायला हव्यात. त्याला म्हटलं, जा आणि तुला काय लागेल ते सामान घेऊन बदलायच्या तयारीनंच ये...पुन्हा पंधराव्या मिनिटाला पठ्ठ्या हजर. आणि पुढच्या वीस मिनिटात नवं सिंक लागलं सुद्धा. साहित्यखर्च, मजुरीचे पैसे आणि गरमागरम चहा देऊन त्याला निरोप दिला. हे सगळं आमच्या कामाचा मावशी बघत होत्या.. गेल्या महिन्याभरात दमवलेल्या सिंकचा प्रॉब्लेम तासासव्वातासात मिटला. सिंक दुरूस्त झाल्याचा आनंद माझ्यापेक्षा मावशींच्या चेहऱ्यावरच उसळत होता. पण दुसऱ्याच क्षणी त्या मला म्हणाल्या, ताई, तुम्ही घरात कुणाला विचारलच नाहीत की सिंक दुरूस्तीला प्लंबरला बोलवू का? बोलवल्यानंतरही सिंकची पाइप बदलायला त्याला सांगू का? त्याने जे काही मजुरीचे पैसे सांगितलेत त्यावर व्यवहार ठरवू का?...मी म्हटलं, त्यात विचारण्यासारखं...किंबहुना घरातील इ...
Read more

कृष्णकिनारा

-
Image
निमित्त.... कृष्णकिनारा आज अरूणा ढेरे यांच्या कृष्णकिनारा कथासंग्रहातील राधा या कथेचे अभिवाचन ऐकण्याची पर्वणी मिळाली. कथा वाचणं आणि ऐकणं यात नक्कीच श्रवणीयतेचा अनुभव मनाच्या अधिक जवळ नेणारा आहे. राधा आणि कृष्णाची सागरकिनारी होणारी भेट व त्यांच्या संवादातून आयुष्यातील काही भावबंधाच्या गाठी अलगद सोडणारे शब्द. राधेचे कृष्णार्पण आजही अपुऱ्या प्रेमासाठीच उदाहरण म्हणून दिलं जातं. तिच्या ओंजळीत प्रेमाच्या काही क्षणांची पुरचुंडी देऊन कृष्ण निघून गेला...तेच मोहोळ तिने जपलं. कित्येक वर्षांनी पुन्हा भेटीचा क्षण आला तेव्हा राधेने कृष्णप्रीतीच्या आठवांची ती पुरचुंडी उघडली खरी...पण कृष्णाने तिच्या प्रत्येक हळव्या प्रश्नाला कठोर उत्तराची झालर लावली. प्रेम जहरी असतं...कडू असतं खूप...न मिळालेलं प्रेम तर खूपच वेदनादायी...राधेने ते तिच्यात भिनवलं. माझं तुझ्या अपुरेपणाशीच नातं होतं असं म्हणणाऱ्या राधेला जेव्हा कृष्ण म्हणतो की प्रत्येकाचं स्वतंत्र जगणं अटळ आहे, तेव्हा तिने त्याच्या वाटेकडे लावलेल्या डोळ्यात टचकन पाणी येतं. तिच्यासाठी तो समुद्र व्हावा असं तिला वाटत असतं...लाटेसारखा येऊन प्रवाहाच्या...
Read more

क्यू की बोलना जरुरी है बॉस...

-
क्यू की बोलना जरुरी है बॉस... ओ मॅडम, इथे गाडी लावू नका... का नको लावू...? पार्किंग पट्ट्याच्या आत आहे ना माझी गाडी? माझा प्रतिप्रश्न दिसत नाहीय का....मी बांगड्यांचा स्टॉल लावलाय... कष्टमरला त्रास होतो स्टॉलपर्यंत यायला... बर मग...?माझा आपला नवा प्रश्न... आणि तुझं दुकान तर ते समोर आहे...मग हा कॉट का मांडलायस रस्त्यावर? मी खोलात शिरले. आणि एक...रस्त्यावर, पार्किंगच्या जागेत गाडी लावायची नाही हे तू कोण सांगणार मला...माझा पारा चढला... तरी गाडी काढा इथून... आता कष्टमरचा टाइम आहे... गर्दी होईल स्टॉलवर....धंद्याचा वांदा करू नका नाहीतर तुम्ही येईपर्यंत गाडीतली हवा सोडेन.... त्याचा पीळ काही जात नव्हता....मी त्याच्याकडे बघतच गाडी लावली.... मुलाच्या पायाच्या घोट्याला जखम झाल्याने त्याला काही दिवस सँडल, बूट घालणं शक्य नव्हतं. चप्पलचा स्टॉल या बांगडीवाल्याच्या अगदी दोन स्टॉल लागून पुढे होता... मुलासाठी तीन मिनिटात एक स्लीपर घेतलं. स्लीपर ही एक सोय होती...त्यामुळे फार घासाघीस....चॉइस हा भागच नव्हता. फक्त त्याच्या पायाला बसणारं आणि कम्फर्टेबल होईल अशा स्लीपरची खरेदी अवघ्या तीन मिनिटात ...
Read more